الرئيسيةاليوميةس .و .جبحـثالمجموعاتالتسجيلدخول

شاطر | 
 

 اهدى حبيبتك هذه القصيدة الجميلة معانا فى هيبس جروب بعنوان " وحشتينى "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عمرى معاك



عدد المساهمات : 4630
تاريخ التسجيل : 27/08/2012
الموقع : http://hibsgroup.halamuntada.com

مُساهمةموضوع: اهدى حبيبتك هذه القصيدة الجميلة معانا فى هيبس جروب بعنوان " وحشتينى "   الأحد مارس 16, 2014 12:44 pm

اهدى حبيبتك هذه القصيدة الجميلة معانا فى هيبس جروب بعنوان " وحشتينى "







كلمة .. نفسي أقولهالك
و أقولك ع اللي جوايا
حاجات كتير.. شايلهالك
شايلك حب و أماني
ما تيجي فـ يوم علي بالك
يا نور عيني
وحشتيني

و مهما بعدتي عن عيني
هتفضل عيني شايفاكي
و مهما نسيتي أيامي
لا يمكن لحظة هأنساكي
هيفضل قلبي بيحبك
هتفضل روحي عاشقاكي
في أول لحظة سيبتيني
وحشتيني

و مش هأوصف فـ يوم حبك
ولا هأقدر علي وصفك
في كل حته .. بمشيها
في كل لحظة ..بفتكرك
و أصّبّر .. باللقا .. قلبي
و برسم في الخيال صورتك
ومنك .. كلمة ترضيني
وحشتيني

و مش خايف يوم علي قلبي
لينساني في يوم قلبك
و هابني .. في السما .. حلمي
و هابنيلك بشوق .. قصرك
و اشيل قلبي علي كفي
و أبيع عمري عشان خاطرك
ومنك .. بسمة ترضيني
وحشتيني

و مش هاجي فـ يوم و أشكي
لو قادر علي بُعدك
و بصبر .. مهما طال صبري
مافيش قبلك .. ولا بَعدك
و لو جربتي ..ـ يوم ..حبي
هيصعب قلبي علي قلبك
و عمرك .. يوم ..ما تنسيني
وحشتيني

ولا هاقدر فـ يوم أنسي
ولا هأبقي ـ. فـ يوم غيري
و لا فيه واحدة في الدنيا
تاخد لحظة في تفكيري
وليه أنتي .. ما اناش عارف
دي حاجة مش فـ تفسيري
وحبك بس يحيني
وحشتيني

يا كل منايا فـ الدنيا
يا كل آمالي ..بعديها
يا حب الدنيا و الاخرة
في كل رواية ..هاحكيها
و هاكتب فـ السما اسمك
و ألحنّها .. و أغنّيها
معاكي اللحظة .. تكفيني
وحشتيني

و هأفضل في الهوي تايه
لحد ما تفتحي بابك
لحد ما ترضي عن قلبي
و ألّون كل أحلامك
و أكتبلك .. و أغنيلك
و أدوب فـ عزف ألحانك
و أقول بشوقي و حنيني
وحشتيني

هيفضل قلبي .. يكتبلك
و هأفضل برده..علي فكرة
استني في يوم تيجي
وعايش .. ع الأمل ..بكره
وحبك .. يبقي جوايا
و عمره .. ما يكون ذكري
ويجي يوم تحبيني
وحشتيني



 Embarassed  Embarassed  Embarassed




 


 


 


الرجوع الى أعلى الصفحة اذهب الى الأسفل
 
اهدى حبيبتك هذه القصيدة الجميلة معانا فى هيبس جروب بعنوان " وحشتينى "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هيبس جروب :: القســـــم العـــام :: الشـــعــــر والادب-
انتقل الى:  
شات هيبس جروب احلى دردشة